back to top
३१ असार २०८१, सोमवार
IPL 2024
IPL 2024
३१ असार २०८१, सोमवार
IPL 2024
spot_img

चिसोले सकसमा भूकम्पपीडित : जाजरकोटमा पाँचजनाको मृत्यु

Workplace

जाजरकोटमा चिसोबाट पाँचजना भूकम्पपीडितको ज्यान गइसकेको छ ।

Workplace

१७ कात्तिकको भूकम्पका कारण घरबारविहीन भएकाहरू त्रिपालमुनि बसिरहेका छन् । चिसो बढेसँगै दीर्घरोगी, सुत्केरी तथा गर्भवती महिला, वृद्धवृद्धा र बालबालिका समस्यामा परेका छन् ।

शुक्रबार बिहान मात्रै बारेकोट गाउँपालिका– १ रामीडाँडाका डुमे पुनको चिसोबाट मृत्यु भएको छ । ‘उहाँ त्रिपालमा बस्दै आउनुभएको थियो । चिसोका कारणले ज्यान गएछ,’ बारेकोट गाउँपालिकाका अध्यक्ष वीरबहादुर गिरीले भने ।

त्यसअघि भेरी नगरपालिका– २ का ८८ वर्षीय धुलेश्वर कार्कीको मंगलबार र बारेकोट गाउँपालिका– ४ जिरीका नरेन्द्रबहादुर सिंहको बुधबार ज्यान गएको थियो । त्यसअघि २४ कात्तिकमा नलगाड नगरपालिका– ४ का ८४ वर्षीय गोपालबहादुर रावल र ४८ वर्षीया पम्फा रावलको ज्यान गएको थियो । कार्की, सिंह, गोपालबहादुर दमका बिरामी थिए भने पम्फा निमोनियाबाट पीडित थिइन् ।

चिसो बढेसँगै जाजरकोटमा भूकम्पपीडित बिरामी पर्न थालेका छन् । रामीडाँडा स्वास्थ्य चौकीका स्वास्थ्यकर्मी सपना बुढाले भनिन्, ‘दिनमै ५० जना बिरामी स्वास्थ्य चौकीमा आइरहेका छन् । अधिकांशमा ज्वरो आउने, बान्ता हुने समस्या देखिएको छ ।’

जाजरकोटका सिडिओ सुरेश सुनारले पीडितमा स्वास्थ्य समस्या देखिने जोखिम भएकाले आवश्यक तयारी थालिएको बताए । ‘मंसिरभित्र अस्थायी आवास बनाएर पीडितको व्यवस्थापन गर्न प्रक्रिया अगाडि बढाइनेछ,’ उनले भने, ‘अहिले पहिलो चरणको काम सकेर अस्थायी वास व्यवस्थापन थालिएको छ ।’

अध्यक्ष गिरीले त्रिपाल, कम्बल, न्यानो कपडा, म्याटलगायतका दुई हजार सेट राहत सामग्री तत्काल आवश्यक रहेको बताए ।

Workplace
spot_img
spot_img
spot_img
यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (100%)
  • अचम्मित (0%)
  • हाँस्यास्पद (0%)
  • आक्रोशित (0%)
spot_img
spot_img
spot_img
spot_img
प्रतिक्रिया दिनुहोस्

तपाईको समाचार आफै पाेष्ट गर्नुहाेस्

समाचारको फोटो यहाँ Upload गर्नुहोस्

सम्बन्धित खबर

लोकप्रिय

सामाजिक सञ्जालमा हामी

भर्खरै

छुटाउनुभयो कि ?