बुटवल । माघ ११ गते राष्ट्रिय सभा निर्वाचन हुँदैछ । दलहरू चुनावको लागि उम्मेद्वार सिफारिसमा जुटेका छन् ।
लुम्बिनीमा कांग्रेसका तर्फबाट १ सय ३० जना भन्दा बढि आकांक्षी देखिएका नेपाली कांग्रेस लुम्बिनीका सभापति अमरसिंह पुनले जानकारी दिए । यसरी आकांक्षी बन्नेमा पूर्वमन्त्री सहित प्रतिनिधिसभा सदस्यमा पराजित नेता समेत छन् ।
प्रदेशका १२ जिल्ला तथा प्रदेशमा सिधै निवेदन परेका गरी १ सय ३० भन्दा बढि पुगेको सभापति पुनको भनाइ छ । ” निवेदन परेका सबैलाई केन्द्रमा सिफारिस गर्ने नीतिगत निर्णय भएका छ ।” सभापति पुनले भने, “यसरी सिफारिस गर्दा विगत र हालको अवस्था, गत निर्वाचनमा खेलेको भूमिका, भूगोल, अवसर प्राप्त गरे नगरेको लगायतका कुराहरूको कैफियत खुलाएर सिफारिस गर्छौँ ।”
राष्ट्रिय सभा निर्वाचनका लागि लुम्बिनीमा एक महिला र एक पुरुष गरी दुई सिट रहेका छन् ।
