काठमाडौं । नेकपा एमालेका अध्यक्ष केपी शर्मा ओलीले गाँजा खेतीबारे प्रश्न गरेका छन्।
प्रमुख प्रतिपक्षी दलका नेता समेत रहेका ओलीले बजेटमा गाँजा खेतीलाई प्रोत्साहन गर्ने सरकारले नीति लिएपछि गाँजा खेती कसले गर्न चाहेको भनेर प्रश्न गरेका हुन्।
“कसका लागि गाँजा खेती। कसले गर्न खोजेको छ गाँजा खेती। कोही छ गाँजा खेतीको पछाडि” उनले भने, “यो नियन्त्रित र नियोजित हो। लाइसेन्स लिएर गरेको रहेछ भने मात्रै हो नभए झ्यालखाना जान्छ। जनताका गाँजा खोजी खोजी उखेलिन्छ।”
उनले जनताले कहाँ गाँजा खेती गरेको भन्दै प्रश्न समेत गरे। उनले गाँजा खेतीको व्यापारीको खोजीसमेत गरे। ‘गाँजाको बिउ लिएर बसेको व्यापारी को हो? बाहिरै आउँदैन। खैर कोही होलान्,’ उनले भने।
