पोर्चुगल । समाचारपोष्टका सिइओ गणेश गुरुङ (गनि) गैरआवासीय नेपाली संघ (NRNA) पोर्चुगलको उपाध्यक्ष तथा प्रवक्ता पदमा विजयी हुनुभएको छ।
हालै सम्पन्न निर्वाचनमा गुरुङ २०२५-२०२७ का उपाध्यक्ष तथा प्रवक्ताका लागि सर्वसम्मत निर्वाचित हुनुभएको हो । सञ्चार क्षेत्र हुँदै सामाजिक नेतृत्वमा क्रियाशील गुरुङको यो जितले प्रवासमा रहेका नेपाली समुदायबीच आशा, विश्वास र समावेशी नेतृत्वको अपेक्षालाई थप मजबुत बनाएको बताइएको छ।
विगतदेखि नै पत्रकारिता, सामाजिक अभियान तथा प्रवासी नेपालीका हकहितमा सक्रिय रहँदै आउनु भएका गुरुङले निर्वाचित भएपछि प्रतिक्रिया दिंदै सबै मतदाताप्रति आभार व्यक्त गर्दै आफूले जिम्मेवारीपूर्वक भूमिका निर्वाह गर्ने प्रतिबद्धता जनाउनुभएको छ।
गणेश गुरुङको नेतृत्वमा संस्थाले प्रवासी नेपालीहरूका समस्या समाधान, नेपालसँगको सम्बन्ध सुदृढीकरण तथा सांस्कृतिक पहिचानको संरक्षणमा विशेष ध्यान दिने विश्वास गरिएको छ।
