अर्घाखाँची । नेकपा एमालेको भातृ संगठन नेपाल उत्पीडित जातीय मुक्ति समाज नेपालले आफ्नो ३६ औँ स्थापना दिवसको अवसरमा अर्घाखाँची अस्पतालमा रहेका बिरामीलाई हर्लिक्स वितरण गरि मनाइएको छ ।
हर्लिक्स वितरण पछि भएको प्रभातफेरी कार्यक्रमलाई सम्बोधन गर्दै जिल्ला अस्पतालका प्रमुख डा. जगनाथ तिवारीले सामाजिक सङ्घसंस्थाले गरेको कामलाई सबैले सिको गर्नुपर्नेमा जोड दिए । उनले यस्ता कामलाई सबैले निरन्तरता दिनुपर्ने बताउँदै संस्थाको सफलताको शुभकामना व्यक्त गरे ।
कार्यक्रममा नेकपा एमालेका सल्लाहकार परिषद्का सदस्य नरेन्द्रकुमार क्षेत्री, नेकपा एमाले प्रदेश सदस्य केबी भुसाल, भोजबहादुर गन्धर्व, जिल्ला उपसचिव शम्भु प्रसाद पोख्रेल लगायतका संगठनका केन्द्रिय र प्रदेश जिल्ला तहका नेता कार्यकर्ताको सहभागिता रहेको थियो ।
समाजले आफ्नो स्थापना दिवसको अवसरमा जिल्ला अस्पतालमा रहेका करिब २० जना बिरामीलाई शिघ्र स्वास्थ्य लाभको कामना गर्दै हर्लिक्स बितरण गरेको थियो । कार्यक्रम समाजका अध्यक्ष लक्ष्मण नेपालीको सहजिकरणमा सम्पन्न भएको थियो ।
