अर्घाखाँची । पाणिनि गाउँपालिका ५ मैदान जम्बाेट स्थित मालिका भगवती मन्दिरको शिलान्यास गरिएको छ ।
उक्त मन्दिरको जिल्ला समन्वय समितिका सभापति जिव नारायण कोइरालाले गरेका हुन् । मन्दिरको लागि पाणिनि गाउँपालिका वडा नम्बर ५ को वडा कार्यालयबाट बिनियोजित रकम र स्थानीयबाट संकलित रकमबाट मन्दिर निर्माण हुन लागेको हो । १०० वर्षको इतिहास बोकेको मन्दिर जीर्ण अवस्थामा रहेको हुँदा संरक्षण गर्न लागिएको हो ।
मन्दिरको शिलान्यास गर्दै समन्वय प्रमुख कोइरालाले उक्त मन्दिर निर्माण तथा व्यवस्थापनका लागि आफूले पनि पहल गर्ने बताए । उने धार्मिक आस्थासँग जोडिएको सम्पदा संरक्षण सबैको दायित्व रहेको भन्दै निर्माण कार्यमा हातेमालो गर्न अनुरोध समेत गरेका छन् ।
कार्यक्रममा वडा अध्यक्ष इन्द्रमणि घिमिरे, भूमि आयोग अर्घाखाँचीका अध्यक्ष यादव प्रसाद घिमिरे, मन्दिर व्यवस्थापन समितिका अध्यक्ष थानेश्वर घिमिरे, नेपाली कांग्रेस पाणिनि ५ मैदानका वडा सभापति गणेश प्रसाद घिमिरे, सांस्कृतिक अभियन्ता लेख बहादुर टण्डन, वडा सदस्य पार्वता सुनार लगायत स्थानीयको उपस्थिति रहेको थियो ।
कार्यक्रम मन्दिर व्यवस्थापन समितिका अध्यक्ष थानेश्वर घिमिरेको अध्यक्षता र छविलाल भट्टराईको सञ्चालनमा सम्पन्न भएको थियो ।
