अर्घाखाँची । नेकपा माओवादी केन्द्र भूमिकास्थान नगरपालिकाले २९ औँ जनयुद्ध दिवसको अवसरमा शुभकामना आदानप्रदान कार्यक्रम सम्पन्न गरेको छ ।
पार्टीका प्रदेश सचिवालय सदस्य तथा नगर इन्चार्ज ठाकुर सौराग आदर्शको प्रमुख आतिथ्यमामा कार्यक्रम सम्पन्न भएको थियो । कार्यक्रममा मन्तव्य राख्दै सौरागले माओवादीले २०५२ साल फागुन १ गते जुन नारा र मुद्दा सहित बन्दुक बोकेर सशस्त्र युद्धको सुरुवात गर्यो शान्ति प्रकृयापछि नेता कार्यकर्तामा गाउँ देखि केन्द्रसम्म देखिएको महत्वकांक्षाले समाजवाद यात्रा तय गर्न असजिलो भएको बताए । उनले परिवर्तनको एजेन्डा माओवादी उठाउने, परिवर्तन ल्याउने माओवादी तर माओवादीलाई तथानाम गाली गरेर जनतामा माओवादीलाई निरास बनाएर परिवर्तन उल्टाउन विदेशी शक्ति लागि परेको बताउँदै माओवादी एक हुनुपर्ने बताए ।
कार्यक्रममा प्रदेश सल्लाहकार तथा नगर उपप्रमुख बालकृष्ण बन्जाडे सल्लाहकार शालिकराम खनाल लगायतले शुभकामना मन्तव्य राखेका थिए । कार्यक्रममा भूमिकास्थान नगरपालिका उपाध्यक्ष बाबुराम खनाल, खेलकुद विकास समितिका कोषाध्यक्ष प्रेम आले लगायतको आतिथ्यता रहेको थियो कार्यक्रममा नगर उपाध्यक्ष सुन्दर शाहको अध्यक्षता सहसचिव कुलराज बन्जाडेको सञ्चालनमा सम्पन्न भएको थियो ।
