अर्घाखाँची । अर्घाखाँची जिल्लाको पाणिनी गाउँपालिका वडा नं. ६ धातिवाङ्ग वडा कार्यालयलाई एक परिवारले ३ रोपनी जग्गा दान गरेका छन् ।
धातिवाङ्ग उलेर्नी निवासी स्व. पुर्णकला पौडेलको सम्झनामा समाजसेवी व्यक्तीत्व भोजराज पौडेल र उहाँका छोराहरु न्याधिश धनिश्वर पौडेल, रामप्रसाद पौडेल र वेदराज पौडेलले ३ रोपनी जग्गा दान गरेका हुन् । धातिवाङ्गकै इतिहासमा वडा कार्यालयको लागि पहिलोपटक जग्गा दान भएको वडा अध्यक्ष कृष्णपौडेलको भनाई छ । उहाँहरुले दिएको जग्गाको मुल्य किन्न परेको भएमा मंहगो हुने भन्दै पौडेल परिवारलाई धन्यवाद दिदैँ स्व. आमाको बैकुण्ठबासको कामना वडा अध्यक्ष पौडेलले गरेका छन् ।
स्व. पुर्णकला पौडेलको २०८० फागुन १० गतेका दिन काठमाडौँंमा निधन भएको हो । उनको परिवार सामाजिक क्षेत्रमा क्रियाशिल परिवार हो ।
