बुटवल । प्रधानमन्त्री पुष्पकमल दाहाल ‘प्रचण्ड’ले माघ ३ गते २३ सदस्यीय जम्बो मन्त्रीमण्डल बिस्तार गरे । चार उपप्रधानमन्त्रीसहित मन्त्री र राज्यमन्त्री गरी २३ सदस्यीय मन्त्रिमण्डल बिस्तार गरेका प्रचण्डको उक्त जम्बो टिम भने समावेशी छैन ।
नवगठित मन्त्रिमण्डलमा कर्णाली प्रदेशबाट प्रतिनिधित्व नै छैन। माओवादीका चार, कांग्रेसका चार, एकीकृत समाजवादीका तीन र राप्रपाका एक गरी कर्णाली प्रदेशबाट प्रत्यक्ष निर्वाचित १२ सांसद छन् । माओवादी र राप्रपा सरकारमा भए पनि कर्णालीबाट कसैलाई मन्त्रिमण्डलमा सहभागी गराएका छैनन्।
पिछडिएको क्षेत्रका लागि संविधानमै व्यवस्था भए पनि एक जना पनि मन्त्रिमण्डलमा नहुनु कर्णालीलाई अन्याय भएको भन्दै आलोचना भइरहेको पाईन्छ ।
