बुटवल , ३० फाल्गुन । लुम्बिनी प्रदेश सरकारका सामाजिक विकास मन्त्री चन्द्रकेश(सिके) गुप्ताले खेल क्षेत्रको विकास गर्न प्रदेश सरकार प्रतिवद्ध रहेको बताएका छन् । मंगलबार बुटवलमा आयोजना भएको १३ औँ जिल्ला स्तरीय राष्ट्रपति रनिङ्ग शिल्ड प्रतियोगिता २०७९को समापन समारोहलाई सम्बोधन गर्दै मन्त्री गुप्ताले खेल क्षेत्रको विकास गर्न आफूले काम गर्ने बताए । उनले नेपालमा खेलाडीहरुको सम्मान हुन नसकेको भन्दै अब प्रदेश सरकारले खेलाडीहरुलाई प्रोत्साहन गर्ने गरी काम गर्ने बताए ।
अन्य पेशा व्यवासाय भन्दा खेल क्षेत्रमा लाग्ने युवाहरु पछि परेको उल्लेख गर्दै मन्त्री गुप्ताले त्यस्तो अवस्थाको परिवर्तन गर्न सबै क्षेत्रबाट खेलकुदलाई हेर्ने दृष्टिकोण परिवर्तन गर्नुपर्ने उल्लेख गरे । उनले खेल क्षेत्रको विकास विना राष्ट्रको पनि विकास हुन नसक्ने भन्दै मन्त्रालयले नयाँ खेलकुद रणनीति निर्माणका विषयमा पनि गृहकार्य सुरु गर्न लागेको जानकारी दिए ।
समापन समारोहमा रुपन्देही जिल्ला सम्वन्य समितिका अध्यक्ष उमाकान्त चपाई , तिलोत्तमा नगरपालिकाका नगर प्रमुख रामकृष्ण खाँण ,लुम्बिनी प्रदेश खेलकुद परिषद्का सदस्य सचिव जयप्रकाश भट्टराई, रुपन्देही जिल्ला खेलकुद परिषद्का अध्यक्ष हरि क्षेत्री लगाएतको उपस्थिती रहेको थियो ।
थप तस्विरहरु :
