सिन्धुपाल्चोक । सिन्धुपाल्चोकको चौतारा साँगाचोकगढी नगरपालिका–११ मा बाँदरलगायतका वन्यजन्तु धपाउन प्रहरी परिचालन गरिएको छ । वडा कार्यालयले गाउँमा पसेका बाँदरलगायतका वन्यजन्तु धपाउन प्रहरीलाई अनुरोध गरेपछि प्रहरीले चासो दिएको हो ।
प्रहरीले वडामा स्थानीयसँग मिलेर गस्ती सुरु गरेको छ । चारैतिरबाट वनजंगलले घेरिएको वडा नं ११ का तल्लो भेगका बस्ती तथा जंगलमा इलाका प्रहरी कार्यालय बन्देउबाट सशस्त्र प्रहरी र प्रहरी चौकी साँगाचोकका जनपथ गरी ३५ जना प्रहरीको टोली वन्यजन्तु लुकेका सम्भावित स्थलको खोजीमा जुटेका छन् ।
वडाका तल्लो भेगका महादेवटार, एक्ले, जामुने, कटुञ्जेपानी, देउराली, फँलाटे, पानीचौर, काभ्रेलगायतका जंगल तथा झाडीक्षेत्रमा गस्ती गरेको प्रहरीले जनाएकाे छ ।
