अर्घाखाँची । अर्घाखाँचीको पाणिनि गाउँपालिका देशभरमा कम बेरुजु हुने स्थानीय तहमध्ये नवौँ स्थानमा परेका छ । साथै लुम्बिनी प्रदेशमै सबैभन्दा कम बेरुजु हुने स्थानीय तहमध्ये दोस्रो स्थानमा पर्न सफल भएको छ भने अर्घाखाँचीमा प्रथम भएको छ ।

महालेखा परीक्षकको कार्यालयले सार्वजनिक गरेको आर्थिक वर्ष २०८१/८२ को अन्तिम लेखापरीक्षण प्रतिवेदनअनुसार पाणिनि गाउँपालिकाको बेरुजु ०.०३ प्रतिशत रहेको छ । १ अर्व ५४ करोड ८९ लाख ८२ हजारको लेखा परिक्षण गरिएकोमा पाणिनि गाउँपालिकाको बेरुजु ४ लाख ८२ हजार रहेको प्रतिवेदनमा उल्लेख छ ।

गाउँपालिकाका जनप्रतिनिधि, कर्मचारी र सरोकारवालाहरूको सामूहिक प्रयास, योजनाबद्ध खर्च प्रणाली र आर्थिक कार्यविधिको पूर्ण पालनाका कारण यो नतिजा सम्भव भएको गाउँपालिका अध्यक्ष टेकराज न्याैपानेले बताए ।

अर्घाखाँचीका अन्य स्थानीय तहको तुलनामा सन्धिखर्क नगरपािलकाको बेरूजु सबैभन्दा धेरै देखिएको छ । सन्धिखर्क नगरपालिकाको बेरुजु ०.५१ प्रतिशत रहेको छ भने शितगंगा नगरपालिकाको बेरुजु ०.४१ प्रतिशत, भूमिकास्थान नगरपालिकाको ०.१२ प्रतिशत, मालारानि गाउँपालिकाको ०.३ प्रतिशत रहेको प्रतिवेदनमा उल्लेख छ ।

छत्रदेव गाउँपालिकाको ०.१८ प्रतिशत बेरुजु रहेको छ । यो अंक लुम्बिनी प्रदेशका कम बेरुजु हुने स्थानीय तहमध्ये छत्रदेव छैटौँ स्थानमा रहेको छ । यस्तै गुल्मीको धुर्काेट गाउँपालिका सुन्य बेरुजु निकाल्दै लुम्बिनी प्रदेश मै पहिलो बनेको छ । १ अर्व ३८ करोड ६७ लाख ५१ हजारको लेखा परिक्षण गरिएकोमा धुर्काेट गाउँपालिकाको बेरुजु सुन्य रहेको छ ।

लेखा परीक्षणका क्रममा कानुन अनुसार पुर्‍याउनुपर्ने रीत नपुर्‍याई कारोबार गरेको वा राख्नुपर्ने लेखा नराखेको तथा अनियमित वा बेमनासिब तरिकाले आर्थिक कारोबार गरेको भनी ठहर भएको कारोबारलाई बेरुजु भनिन्छ ।

समाचारपाेष्ट ई-पेपर २०८० माघ ६ गते शनिबार

सम्पर्कContact

महत्वपूर्ण लिङ्कहरु

सम्पर्क
Contact