काठमाडौं र पोखरामा आजबाट भारतीय फिल्म प्रतिबन्ध

काठमाडौं । काठमाडौं र पोखरामा आजबाट भारतीय फिल्म नचल्ने भएका छन् ।

बलिउड चलचित्र ‘आदिपुरुष’को संवादलाई लिएर काठमाडौं महानगरपालिकाका मेयर बालेन शाह र पोखरा महानगरपालिकाका मेयर धनराज आचार्यले सोमबारबाट भारतीय हिन्दी फिल्मलाई प्रतिबन्ध गरेका हुन्।

फिल्ममा समावेश ‘जानकी भारतकी छोरी हुन’भन्ने संवाद नसच्चिएसम्म भारतीय फिल्मको प्रदर्शन रोक्ने काठमाडौं महानगरको निर्णयपश्चात पोखरा महानगरले हल सञ्चालकलाई फिल्म नचलाउन निर्देशन दिएको हो।