काठमाडौँ । संघीय संसद्का राष्ट्रियसभा र प्रतिनिधिसभा दुवै सदनका चालू अधिवेशन अन्त्य भएको जानकारी गराइएको छ।
बिहीवारको राष्ट्रियसभाको बैठकमा राष्ट्रियसभाका अध्यक्ष गणेशप्रसाद तिमिल्सिनाले चालू अधिवेशन अन्त्य भएको जानकारी गराए। यसैगरी प्रतिनिधिसभामा सभामुख देवराज घिमिरेले पनि अधिवेशन अन्त्य भएको जानकारी गराए।
चालू अधिवेशन आज राति १२ बजेबाट अन्त्य हुने अध्यक्ष र सभामुखले घोषणा गरे। नेपालको संविधानको धारा ९३ को उपधारा २ बमोजिम नेपाल सरकार मन्त्रिपरिषद्को मिति २०८० कात्तिक १६ को सिफारिसमा संघीय संसद्को दुवै सदनको चालू अधिवेशन अन्त्य भएको सदनलाई जानकारी गराए।
बिहीवार बिहान सिंहदरबारमा बसेको मन्त्रिपरिषद्को बैठकले चालू अधिवेशन आज मध्यरातिबाट अन्त्य गर्ने निर्णय गरेको थियो।
