काठमाडौँ । सर्वोच्च अदालतले नेपाली कांग्रेसका महामन्त्री गगनकुमार थापालाई लिखित जवाफ पेश गर्न आदेश दिएको छ।
अदालतमा विचाराधीन मुद्दामा बोलेको भन्दै थापाविरुद्ध अदालतको अवहेलनामा सर्वोच्चमा निवेदन दर्ता भएको थियो।
कामु प्रधानन्यायाधीश सपना प्रधान मल्ल र न्यायाधीश नित्यानन्द पाण्डेयको इजलासले उनलाई लिखित जवाफ पेश गर्न आदेश गरेको हो।
सर्वोच्चका प्रवक्ता अच्युत कुईकेलले सात दिनभित्र जवाफ पेस गर्न आदेश भएको बताए। उनले आफैँ वा आफ्ना कानुनी प्रतिनिधिमार्फत लिखित जवाफ पेस गर्न सक्नेछन्।
कांग्रेस महामन्त्री थापाले ५२ जना संवैधानिक पदाधिकारीहरुको मुद्दामा ‘सर्वोच्च अदालतले डिल गरिरहेको छ’ भनेर बोलेका थिए।
