एजेन्सी । श्रीलङ्कामा कोरोना महामारीबाट प्रभावित प्राथमिक विद्यालयका १६ लाख बालबालिकालाई सिकाइमा सहयोग पुर्याउने गरी कार्यक्रम शुरु भएको छ ।
श्रीलङ्का सरकार र संयुक्त राष्ट्रसङ्घीय अन्तर्राष्ट्रिय बाल कोष (युनिसेफ) ले संयुक्त रूपमा कार्यक्रम शुरु गरेका हुन् । श्रीलङ्काका शिक्षामन्त्री सुशील प्रेमजयन्तले विगतमा तीन वर्ष विद्यालय बन्द हुँदा ती विद्यार्थी प्रभावित भएको बताएका छन् ।
श्रीलङ्काले आफ्नो कुल गार्हस्थ्य उत्पादन (जीडीपी) को दुई प्रतिशतभन्दा कम शिक्षामा विनियोजन गरेको छ । जुन कुल गार्हस्थ्य उत्पादनको चारदेखि छ प्रतिशतको अन्तर्राष्ट्रिय मापदण्डभन्दा निकै तल छ । गएको जुलाईमा, शिक्षा मन्त्रालय र युनिसेफले विकास साझेदारको समर्थनको लाभ उठाउन सिकाइ सुधारका लागि विशेष छलफल समेत आयोजना गरेको थियो ।
