डेंगी ज्वरो डेंगी भाइरसबाट संक्रमित “एडिज” जातको लामखुट्टेको टोकाइबाट सर्दछ ।
लक्षणहरु
- उच्च ज्वरो आउनु
- टाउको दुख्नु आँखाको गेडी दुख्नु
- हाडजोर्नी मांसपेशी र ढाड दुख्ने
- कमजोर महसुस हुने
- रिंगटा लाग्ने
- वान्ता वा वाकवाकी लाग्नु
- शरीरका कुनै भाग बाट रगत आउनु
वान्ता हुने र वान्तामा रगत देखा पर्ने, धेरै पेट दुख्ने, नाक वा गिजाबाट रगत आउने, बेहोस हुने आदि लक्षणहरू जटिल अवस्थामा देखा पर्छन् । यि समस्या देखिएमा तुरुन्तै अस्पताल जानु पर्दछ ।
डेंगी ज्वरोको उपचार
१) भाइरसबाट हुने भएकोलेखास उपचार छैन लक्षण अनुसार उपचार गरिन्छ ।
२) उच्च ज्वरोको लागि पारासिटामोल खाने तर ब्रुफेन, एस्प्रिन जस्ता अन्य दुखाइ कम गर्ने औषधी नखाने
३) पानी र झोलिलो , पोषिलो कुरा खाने र आराम गर्ने
बच्ने उपायहरु:
१) डेंगीबाट बच्ने सबैभन्दा उत्तम उपाय भनेको लामखुट्टेको टोकाइबाट बच्ने हो ।
२) झुलको प्रयोग गर्ने
३) पूरा बाहुला भएको कपडा लगाउने
४) शरीरको खुल्ला भागमा लामखुट्टेको टोकाइबाट बच्ने मलम लगाउने र धुपको प्रयोग गर्ने
५) ढोका झॉलमा जाली लगाउने
६) आफ्नो घर वरिपरि, कार्यस्थल र सार्वजानिक ठाउँमा भएको पानी जम्मा हुने खाडल पुरीदिने
७) काम नलाग्ने भाडाकुँडी, बोतल, ब्लास्टिक टायर तथा फोहोर जन्य सामग्रीलाई विसर्जन गर्ने।
