सुनवल । एनएमबि बैंक लिमिटेड र नवलपरासीको सुनवल स्थित ममता प्याथोलोजी ल्याब बीच एक सम्झौता भएको छ ।
सम्झौता अनुसार एनएमबि बैंक लिमिटेडका कर्मचारी एवं ग्राहकले ममता प्याथोलोजी ल्याबबाट प्रदान गरिने सबै सेवामा २० प्रतिशत छुट पाउने भएका छ्न् ।
सम्झौतामा एनएमबि बैंक लिमिटेड लुम्बिनी प्रदेश प्रमुख शम्भु प्रसाद पराजुली र ममता प्याथोलोजीका डाइरेक्टर पुष्पराज चौधरी थारुले हस्ताक्षर गरेका छन् ।
एनएमबि बैंक लिमिटेड सुनवल शाखा प्रबन्धक अर्जुन ज्ञवाली र ममता प्याथोलोजी ल्याबका डाइरेक्टर पुष्पराज चौधरी थारुले एक कार्यक्रम बीच उक्त हस्ताक्षरित सम्झौता आदानप्रदान गरेका थिए । यो सम्झौता एक वर्षको लागि हुनेछ र दुई पक्षको आपसी सहमतिले आवश्यकता अनुसार थप समय बढाउन सकिने उल्लेख गरिएको छ ।
सम्झौताले एनएमबि बैंक लिमिटेडका सम्पूर्ण स्टाफ एवं एनएमबि बैंक लिमिटेडमा खाता खोल्नुभएका सम्पूर्ण ग्राहकबर्ग लाभान्वित हुने एनएमबि बैंक सुनवल शाखा प्रबन्धक अर्जुन ज्ञवालीले विस्वास व्यक्त गरे । छुट पाउनको लागि एनएमबि बैंक लिमिटेडको खाताबाट भुक्तान गर्नुपर्ने हुन्छ ।
भुक्तानीको लागि एनएमबि बैंक लिमिटेडको फोन पे, एटीएम, क्रेडिट कार्ड, ईन्टरनेट बैकिङ्ग, मोबाइल बैकिङ्ग, आइपिस, क्यु आर कोडको अनिवार्य प्रयोग गर्नुपर्ने ममता प्याथोलोजी ल्याबका डाइरेक्टर पुष्पराज चौधरी थारुले जानकारी दिए ।
