दाङ।
- नेपाल ज्योतिष परिषद्को १८ औं राष्ट्रिय सम्मेलनमा सञ्चार तथा सूचना प्रविधि मन्त्री रेखा शर्माको उपस्थिति हुने भएको छ । नेपाल ज्योतिष परिषदको १८ औं राष्ट्रिय सम्मेलनको प्रमुख अतिथिको लागि शर्मा यहि कार्तिक १६ गते दाङ जिल्लाको घोराहीमा आउन लागेकी हुन् ।
नेपाल ज्योतिष परिषद् केन्द्रीय समितिको आयोजना एवम् लुम्बिनी प्रदेश समिति र दाङ जिल्ला समितिको संयोजनमा घोराही उपमहानगरपालिका १५ नम्बर वडा गोरखा टोलमा अवस्थित भिङ्ग्रेली भिलेज रिसोर्टमा नेपाल ज्योतिष परिषदको १८ औं राष्ट्रिय सम्मेलन कार्यक्रम कात्र्तिक १६ र १७ गते दुई दिन सम्म सन्चालन हुनेछ । दाङको धार्मिक,
सांस्कृतिक ,पर्यटनको विकास र विस्तारमा योगदान गर्ने उदेश्यले नेपाल ज्योतिष परिषदको आयोजनामा १८ औं ज्योतिष वास्तु तथा अध्यात्म सम्मेलन हुने भएको छ ।सम्मेलनमा राष्ट्रिय र अन्तर्राष्ट्रिय सहित लगभग ७०० भन्दा बढी ख्याति प्राप्त सुप्रसिद्ध विशिष्ट ज्योतिषीहरुको सहभागिता रहने जनाईएको छ ।
सम्मेलनले लुम्बिनी प्रदेशको धार्मिक तथा सांस्कृतिक पर्यटन विकास र प्रवर्द्धनमा टेवा पुग्ने नेपाल ज्योतिष परिषदका केन्द्रीय सचिव एबं सम्मेलनका संयोजक प्राध्यापक डा. अर्जुन प्रसाद भट्टराईले बताएका छन् । सम्मेलनमा आचरण निर्माणमा पूर्वीय दर्शनको भूमिका, खगोल र विज्ञान, कुण्डली विज्ञान अनुसार पेशा, व्यवसाय, वैदेशिक यात्रा, दाङ जिल्लाका धार्मिक तथा पर्यटकीय स्थलहरु, वास्तु विषयहरुमा छलफल हुने बताइएको छ । यसै गरि नेपाल ज्योतिष परिषद्का केन्द्रीय अध्यक्ष माधवराज पाण्डेको अध्यक्षतामा सम्पन्न बैठकले सम्मेलन सम्बन्धि विभिन्न निर्णयहरु गरेको छ । बैठकले २०८० कात्र्तिक १६ गते नेपाल ज्योतिष परिषद् केन्द्रीय कार्यसमितिको २५ औं वार्षिक साधारणसभा बिहान ८ बजे सुरु गर्ने र राष्ट्रिय सम्मेलन सोही दिनको १ बजे भव्यताका साथ उद्घाटन गरि दुई दिन सम्म संचालन गर्ने निर्णय गरेको नेपाल ज्योतिष पारिषद्का केन्द्रीय महासचिव कमलप्रसाद काफ्लेले जानकारी दिएका छन् ।
बैठकले रजत वर्ष विशेष राष्ट्रिय सम्मेलन सम्पन्न गर्नका लागी नेपाल ज्योतिष परिषद्का केन्द्रीय अध्यक्ष माधवराज पाण्डेको अध्यक्ष र केन्द्रीय सचीव प्राडा अर्जुनप्रसाद भट्टराई सदस्य सचिव रहने गरि केन्द्रीय समितिका पदाधिकारी सदस्यहरु, सातै प्रदेश समितिका पदाधिकारी तथा सदस्यहरु र दाङ जिल्ला कार्यसमिति रहने गरि २५१ सदस्यीय मुल आयोजक समिति गठन गरेको छ । यस्तै दाङ जिल्ला समितिका अध्यक्ष उप.प्रा. कपिलदेव सुवेदीको अध्यक्षतामा लुम्बिनी प्रदेश समितिका अध्यक्षहरु सदस्य रहने गरि आर्थिक व्यवस्थापन समिति गठन गरिएको लुम्बिनी प्रदेश समितिका महासचिव ढुण्डीराज ज्ञवालीले जानकारी गराएका छन्।
