भगवती घिमिरे भुसाल,
सन्धिखर्क । अर्घाखाँचीमा पासोमा परि घाइते भएको चितुवा मरेको छ ।
सन्धिखर्क नगरपालिका वडा नम्बर ६ नरपानीको जङ्गलमा चितुवा पासोमा परेको चितुवा बाँके राष्ट्रिय निकुञ्ज लैजाने क्रममा बाटोमा मरेको डिभिजन वन कार्यालय अर्घाखाँचीका डिभिजन वन अधिकृत ईश्वरी पौडेलले बताए ।
पासोमा चितुवा परेपछि स्थानीयले प्रहरीलाई खबर गरेका थिए । डिभिजन वन कार्यालय अर्घाखाँचीको पहलमा सुरक्षाकर्मी र स्थानीयबाट उद्दार गरि घाइते अवस्थामा फेला परेको चितुवा उद्धार गरि बाँके राष्ट्रिय निकुञ्ज लैजाने क्रममा शितगंगा नगरपालिकाको डोहोटे नजिकै मरेको हो ।
५९ इन्च लामो र ३३ इन्च अग्लो, झन्डै ३१ केजीको भाले चितुवा रहेको र पासो कसले थापेको विषयमा अनुसन्धान समेत भएको डिभिजन वन अधिकृत पौडेलको भनाइ छ ।
