अर्घाखाँची । सन्धिखर्क नगरपालिका वाड नम्वर १० को युवा लक्षित कार्यक्रम अन्तर्गत लागुपदार्थ दुर्व्यसनि तथा आत्महत्या न्युनिकरण सम्बन्धि सचेतना कार्यक्रम सम्पन्न भएको छ ।
सन्धिखर्क नगरपालिका वार्ड नम्बर १० को आयोजनामा कार्यक्रम सम्पन्न भएको हो । कार्यक्रममा कानुन व्यबसायि विजय भुसालले लागुपदार्थ दुर्व्यसनि तथा आत्महत्या न्युनिकरण सम्बन्धि बिषयमा सचेतना प्रदान गरेका थिए । लागुपदार्थ सेवन गरि समाजमा बिकृति फैलाउने र निरन्तर प्रयोग पछि मानसिक रूपमा बिकृत भइ आत्महत्याको बाटो सम्म पुग्ने अबस्था सिर्जना हुने बिषयमा अधिबक्ता भुसालले जानकारि गराएका थिए ।
कार्यक्रममा सन्धिखर्क नगरपालिका शिक्षा युवा तथा खेलकुद शाखा प्रमुख मन्जु आचार्यले युवा उमेरले मात्र नभइ सोच र बिचारमा पनि नयापन र अग्रगामी हुनुपर्नेमा जोड दिए । कार्यक्रममा पत्रकार प्रेमनारायण आचार्य, नेत्र मरासिनीले शुभकामना मनतब्य राखेका थिए ।
कार्यक्रम वडा अध्यक्ष मोहनसिह ठकुरिको अध्यक्षता,पशु प्राबिधिक प्रदीप आचार्यको स्वागत मन्तव्य र सचिव बिष्णु आचार्यको सञ्चालनमा सम्पन्न भएको हो ।
