अर्घाखाँची । जंगबहादुर राणा कहाँ जन्मिएका हुन् ? धेरैलाई थाहा नहुन सक्छ । जंगबहादुर राणा अर्घाखाँचीको लामपाटी गाउँमा जन्मिएका हुन् । जंगबहादुर राणा नेपालका प्रधानमन्त्री तथा प्रथम श्री ३ महाराज थिए ।
बालनरसिंह कुँवरका छोराका रूपमा जंगबहादुर जन्म बिक्रम सम्वत् १८७४ असार ७ गते अर्घाखाँचीको बल्कोट भएको थियो । जंगबहादुर जन्म अर्घाखाँची जिल्लामा त भएको थियो तर बल कोटमा नभएर अर्घाखाँचीलाई मथुरा बेसीको एउटा सानो गाउँमा भएको थियो । राणाका बुवा प्यूठानमा वडा हाकिम थिए । प्यूठानबाट अर्घाखाँचीको बाटो हुँदै आफ्नी गर्भवती पत्नीलाई पैदल काठमाडौँ पठाउने क्रममा यो स्थानमा जंगबहादुर जन्मिएको इतिहासमा उल्लेख छ । उनलाई पछि किसानहरूले बल्कोटमा पुराएका थिए । एघार दिनसम्म जंगबहादुर बल्कोटमा रहे । त्यसपछि उनको त्यहीँ न्वारन भयो ।
जंगबहादुर नेपालको प्रधानमन्त्री भएपछि आफूले जन्मिएको स्थान खोज्दै आएर उक्त स्थानमा लामो पार्टी र फलफूलको बगैंचा बनाएको किम्वदन्ती छ । मथुरा बेसीको उक्त गाउँमा जंगबहादुर नेपालकै एकमात्र लामपाटी बिसखुट्टे दरबारले निर्माण गरे त्यसैले यो गाउँ अहिले अर्घाखाँचीमा लामपाटी भनेर चर्चित छ । लामपाटी अहिले अर्घाखाँची जिल्लाको सन्धिखर्क नगरपालिका वडा नम्बर ५ मा पर्छ ।
लामपाटीमा एउटा फलफूल बगैँचा पनि रहेको छ। बगैँचाको बीचमा एउटा मन्दिर कृष्ण मन्दिर छ। मन्दिरको र बगैंचा भएको सबै जग्गा जंगबहादुरका पालामा दानपत्र मार्फत दिएको र त्यसपछि यसको संरक्षण हुँदै आएको छ ।
नेपालकै एकमात्र बिसखुट्टे दरबार अर्घाखाँचीको लामपाटी दरबार हो । तर प्रचार प्रसारको अभावले यो ठाउँमा पर्यटकहरू आउन सकेका छैनन् ।
