कपिलवस्तु । कपिलवस्तु बुद्धभुमि नगरपालिका वडा नं. १० ले आफ्नो वडा भित्रको जेष्ठ नागरिकहरुलाई सिरक वितरण गरेको छ ।
बिगत केही दिन देखि शितलहर तथा हुस्सु ले गर्दा जाडो अत्याधिक बढेको बेला जाडो थेग्न सिरक पाउदा आफुहरु अत्यन्त खुसी भएको वडा नं. १० का सर्वसाधारणहरुको भनाई रहेको छ ।
जाडोमा घरका बुढा बुढी, गरिब, असहाय तथा जेष्ठ नागरिकहरुले सिरक पाउदा वडा अध्यक्ष संदिप पाण्डेलाई धन्यबाद दिदै सबैको अनुहारमा खुसी ब्यक्त गरे । वडाको वार्षिक कार्यक्रम अनुसार वडामा जेष्ठ नागरिकहरुको आवश्यकता पहिचान गरी सिरक वितरण गरिएको वडा अध्यक्ष संदिप पाण्डेले जानकारी दिए ।
वडा भित्र गरिब, असहाय तथा जेष्ठ नागरिक पहिचान गरी २१९ जनालाई सिरक वितरण गरिएको अध्यक्ष पाण्देको भनाई छ । जेष्ठ नागरिक हाम्रा अभिभावक भएको बताउदै उनिहरुको सेवामा वडाको सम्पुर्ण टिम समर्पित रहेको उनको भनाइ छ ।
