शिव भुसाल,
सिओल । कोरियामा रहेका अर्घाखाँचीका नेपालीहरुको संस्था अर्घाखाँची सम्पर्क मंच दक्षिण कोरियाले आगामी आईतवार सातौँ अधिवेशन गर्ने भएको छ ।
कोरियालाई कर्मथलो बनाएका जिल्लाबासीहरुले सन २०१० मा स्थापना गरेको उक्त संस्थाको नियमित कार्यक्रम तथा अभ्यास अन्तर्गत अधिवेशन गर्न लागिएको संस्थाका अध्यक्ष हिमाल खनालले जानकारी दिए ।
दोङदेमुनमा रहेको नेपाली थाई रेष्टुरेष्टको सभाहलमा मार्च ३ मा आयोजना हुने अधिवेसनको सम्पुर्ण तयारी पुरा भएको संस्थाका सहसचिव माधव खनालले जानकारी दिए ।
अधिवेशनले आगामी २ वर्षकालागि नयाँ कार्यसमिती चयन गर्ने बताईएको छ ।
कोरियामा रोजगारी, भाषा, स्वास्थ्य समस्या, कार्यस्थल परिवर्तनका समयमा आई पर्ने विभिन्न समस्या समाधानकालागि संस्थाले सहजिकरण गर्दै आएको छ ।
संस्थाले कोरियामा रहेका नेपालीहरुलाई सहयोग गर्नुकासाथै जिल्लाको पर्यटकिय, शैक्षिक लगायतका विकाशमापनि हातेमालो गर्दै आएको संस्थाका पुर्व अध्यक्ष सुन्दर पन्थीको भनाई छ ।
अर्घाखाँचीबाट कोरियालाई कर्मथलो बनाएकाहरुको संख्या करिब ३ हजार हुनसक्ने अनुमान संस्थाको छ ।
