अर्घाखाँची । अर्घाखाँचीको पाणिनी गाउपालिका कुरुले फाटमा चलिरहेको सातौं पाणिनी दुर्वाशेश्वर पर्यटन महोत्सवको चौथो दिन २७ गते धुर्मुस सुन्तली आउने भएका छन ।
पाणिनि पर्यटन समाजको आयोजनामा संचालित महोत्सवको तेस्रो दिन २ हजार ५ सय बढी दर्शकले अवलोकन गरेको मिडिया संयोजक शिवराज बेल्वासेले जानकारी दिए ।
महोत्सवको तेस्रो दिन श्याम राना, प्रेक्षा लम्साल, तारा थापा, मधु परियार लगायतको प्रस्तुती रहेको थियो । भोलि कलाकार सिताराम कट्टेल “धुर्मुस”, कुन्जना घिमिरे “सुन्तली” कुशल बेल्बासे, सम्झना रणपाल लगायत स्थानिय कलाकारको बेजोड प्रस्तुती रहने संयोजक बेल्बासेले जानकारी दिए ।
“धुर्मुस, सुन्तली आउने भएपछि भोलि दर्शकको उत्साह जनक उपस्थिती रहने अपेक्षा लिएका छौँ” संयोजक बेलबासेले भने, “हालसम्म दर्शखरुले निरास बनाउनु भएको छैन ।”
मेलामा हालसम्म ७ लाख बढिको टिकट बिक्री भइसकेको छ । मेला २८ गतेसम्म संचालन हुनेछ ।
