अर्घाखाँची । अर्घाखाँचीको पाणिनी गाउँ पालिका वडा नं. ५ को आर्थिक सहयोग सृजनशील अपाङ्गता सरोकार केन्द्र अर्घाखाँचीको आयोजना मा १ दिने अपाङ्गता, दलित, जनजाति, महिला लक्षित क्षमता अभिवृद्धि संरक्षण तालिम सम्पन्न भएको छ!
तालिमको उद्घाटन गर्दै वडा सदस्य पार्वता सुनारले महिला, दलित, जनजाति तथा सबै क्षेत्रका लागी वडाले ध्यान दिएर तालिमहरू सञ्चालन गरेकाले तालिममा सहभागीहरूले धेरै भन्दा धेरै सिक्नका लागी आग्रह गरिन् ।
कार्यक्रममा बोल्दै पाणिनी गाउँपालिका वडा ५ का अध्यक्ष इन्द्रमणि घिमिरेले ‘तालिम तालिमका लागी मात्र नभई सिकेको कुरा व्यवहारमा प्रयोग गर्न आग्रह गरेका छन् ।’
कार्यक्रममा वडा नं ५ का अध्यक्ष इन्द्रमणि घिमिरे ,वडा सचिव विमला भट्टराई ,वडा सदस्य पार्वता सुनार, वडा सदस्य धनसिंह सूर्यवंशी, स्वास्थ्य इन्चार्ज जगदीश घिमिरेलगायत वडा र स्वास्थ्यका सम्पूर्ण कर्मचारी, पत्रकारको उपस्थिति रहेको थियो ।
उक्त तालिमको प्रशिक्षण जिल्ला अधिवक्ता पवित्रा भट्टराईले दिएकी थिइन । कार्यक्रम सृजनशील अपाङ्ग सरोकार केन्द्र अर्घाखाँचीका अध्यक्ष फर्सुराम पाण्डेको स्वागत मन्तव्य र कृष्ण प्रसाद घिमिरेको सञ्चालनमा सम्पन्न भएको हो ।
