अर्घाखाँची । शितगंगा नगरपालिकाले स्थानीय नागरिकलाई घरदैलोमै सेवा प्रवाह गर्नका लागि घुम्ती शिविर गरेको छ ।
नगरपालिकाले वडा नम्बर १४ मा सञ्चालन गरेको शिविरबाट ४० जनाको निशुल्क स्वास्थ्य परीक्षण तथा औषधि वितरण गरिएको छ । पाठेघरको मुखमा हुने क्यानसरको जाँच तथा सम्भावित क्षयरोगको लागि नमुना संकलन गरिएको छ ।
नगरपालिकाले सञ्चालन गरेको घुम्ती शिविरबाट ८४ जना ज्येष्ठ नागरिकलाई ज्येष्ठ नागरिक परिचयपत्र वितरण गरिएको थियो । ७ जनाले अपाङगता भएका परिचयपत्र बितरण तथा परिचयपत्रका लागि निवेदन संकलन गरिएको प्रमुख प्रशासकीय अधिकृत अर्जुन शर्माले जानकारी दिए ।
लामो दुरि हिडेर नरपालिकामा लिनुपर्ने सेवा वडास्तरबाटै प्रदान गरिने सेवा लिन पाउँदा आफुहरुलाई सहजखुशी लागेको र स्थानीय सरकारको अनुभूति भएको स्थानीयले बताए ।
नगरपालिकाको कार्यालयबाट प्रदान गरिने सेवालाई नागरिकको घरदैलोबाटै सेवा प्रदान गर्ने आफुहरुको लक्ष्यअनुसार नै शिविर सञ्चालन गरिएको योजना अधिकृत नुमलाल खनालले जानकारी दिए ।
भुगोलको हिसावले टाढा रहेका वडा ६, ७, ८, १० र १४ लगायतका वडाका नागरिकलाई वडा र टोलस्तरबाटै शिविरको माध्यमबाट सेवा प्रवाह गर्ने उदेश्यले शिविर सञ्चालन गरिएको हो ।
शिबिरमा नगर प्रमुख छबिलाल पौडेल ,स्वास्थ शाखा प्रमुख दामोदर ढकाल महिला तथा बालबालिका शाखाका रमा पाण्डे, अपाङ्ग परिचय पत्र बितरण समितिका शंकर अर्याल, डाक्टर शुभेक्क्षा शर्मा , नगरपालिका प्रशासन शाखा प्रमुख ओम पाण्डे लगायतको उपस्थिति रहेको थियो ।
