अर्घाखाँची । अर्घाखाँची जिल्लामा आर्थिक वर्ष २०८०/८१ को चैत्र मसान्तसम्ममा २९ वटा सडक दुर्घटना भएका छन् ।
आर्थिक वर्ष २०८० को श्रावणदेखि २०८० चैत्र मसान्तसम्ममा २९ वटा सडक दुर्घटना भएका छन् भने दुर्घटनामा १० जनाको मृत्यु भएको छ । जिल्ला ट्राफिक कार्यालय अर्घाखाँचीका अनुसार उक्त दुर्घटनाबाट २० जना गम्भिर घाइते भएका छन् भने १९ जना सामान्य घाईते भएका छन् ।
अशोजमा २, कार्तिकमा १, मंसिरमा २, माघमा २, चैतमा ३ जना गरी १० जनाको मृत्यु भएको हो । मृत्यु हुनेमा ५ जना पुरुष, ३ जना महिला र १ जना बालक भएको ट्राफिक कार्यालयले जनाएको छ ।
