काठमाडौं । आज ११ बजेका लागि बोलाइएको प्रतिनिधिसभाको बैठक २ बजेसम्मका लागि सारिएको छ।
सदनको अवरोध हटाउने सहमतिको प्रयासका लागि राजनीतिक दलका शीर्ष नेताहरू तथा सभामुख सत्तापक्ष र विपक्षहरू छुट्टाछुट्टै बैठक बसिरहेका छन्।
नेपाली कांग्रेसले सहकारी ठगी प्रकरणमा गृहमन्त्री रवि लामिछानेमाथि छानविन समिति बनाउनुपर्ने माग गर्दै लगातार सदनमा अवरोध गर्दै आएको छ। कांग्रेसले वेल घेराउ गरेकै समयमा बिहीबारको बैठक सभामुख देवराज घिमिरेले जबरजस्त कार्यसूचीमा प्रवेश गराएपछि सांसदहरूबीच धकेलाधकेल सम्मको स्थिति भएको थियो।
