अर्घाखाँची । अर्घाखाँचीमा गत आर्थिक वर्षमा नेपाली नागरिकताको प्रमाणपत्र लिनेको तुलनामा राहदानी बनाउने नागरीकको संख्या बढि देखिएको छ ।
जिल्ला प्रशासन कार्यालय अर्घाखाँचीका अनुसार गत आर्थिक वर्ष २०८०/०८१ मा ७ हजार ६ जनाले नागरिकताको प्रमाणपत्र लिँदा ७ हजार ३६३ जनाले राहदानी बनाएका हुन्।
यो सङ्ख्या जिल्लाबाट राहदानी सिफारिस भई राहदानी जिल्लामा नै आइपुगेपछि वितरण भएकाहरूको हो । जिल्लाबाट राहदानी नबुझेर द्रुत रूपमा राहदानी लिनको लागि जिल्लाबाट सिफारिस लगेकाहरूको सङ्ख्या २४५ छ ।
यसरी सामान्य सिफारिस तर्फ ७ हजार २ सय ९९ जना र द्रुत सेवा सिफारिस तर्फ २ सय ४५ जनाको राहदानी जिल्ला प्रशासन कार्यालयले सिफारिस गरेको छ । यो संख्यालाई समेत जोड्दा नागरिकता लिने भन्दा राहदानी लिनेको सङ्ख्या ५ सय ३८ ले बढी हुन्छ।
एक वर्षको अवधिमा दश हजार ८ सय ६१ वटा नागरिकताको प्रतिलिपि दिइएको, १८ वटा गैर आवासीय नागरिकता, ६ वटा वैवाहिक अङ्गीकृत नयाँ नागरिकता दिएको प्रमुख जिल्ला अधिकारी सुर्य बहादुर खत्रीले बताए।
भिडियाे हेर्नुहाेस् :
https://www.facebook.com/share/v/c8dqM1u6SHUdW19d/
