अर्घाखाँची । अर्घाखाँची जिल्लाको पाणिनि गाउँपालिकाले आर्थिक वर्ष २०८०/०८१ मा ८८ लाख भन्दा धेरै राजस्व संकलन गरेको छ ।
गाउँपालिकाले २०८० श्रावण देखी २०८१ असार मसान्तसम्ममा ८८ लाख ३० हजार १७५ रुपैयाँ २९ पैसा राजस्व संकलन गरेको राजस्व शाखा तथा प्रशासा शाखा प्रमुख कमल न्यौपानेले जानकारी दिए । गाउँपालिकाले गत आर्थिक वर्षमा १ करोड ३१ लाख ६८ हजार ८ सय ३३ रुपैयाँ राज्स्व संकलन गर्ने लक्ष्य लिएको थियो । तर लक्ष्य अनुसार भने राजस्व संकलन हुन सकेको छैन् । यो तथ्याङ्क अनुसार राजस्व संकलन लक्षयके ६७.०६ प्रतिशत मात्र भएको देखिन्छ ।
गाउँपालिकाले सम्पती कर, भूमिकर तथा मालपोत, वहाल कर, न्यायिक दस्तुर, नक्सापास, नाता प्रमाणित, सिफारिस, ब्यक्तीगत घटना दर्ता लगायतका २३ वटा शिर्षकमा राजस्व संकलन गर्ने गरेको छ । राजस्व संकलनको लक्ष्य निर्धारण गर्दा महत्वकांक्षी हुनु लक्ष्य प्राप्त गर्न नसक्नु एक कारण रहेको राजस्व शाखा तथा प्रशासा शाखा प्रमुख कमल न्यौपाने बताउछन् ।
यि बाहेक कार्यालयमा कर्मचारी प्रयाप्त नहुनुले पनि राजस्व संकलनमा बाधा पुगेको उनको भनाई रहेको छ । अनुगमन निरीक्षणको पाटो कमजोरहुनु, सबै ब्यवसायीलाई कर को दायरामा ल्याउन नसक्नु, राजस्व शाखा हेर्ने छुट्टै कर्मचारी नहुनु लक्ष्य अनुसारको राजस्व संकलन हुन नसक्नुका प्रमुख कारक रहेकाे न्याैपानेकाे भनाइ छ ।
गाउँपालिकाको प्रमुख राजस्वको श्रोत नदि जन्य पदार्थ रहेको छ । तर आवश्यक संयन्त्र नहुदा उक्त क्षेत्रबाट राजस्व संकलन गर्न सकिएको छैन् । राजस्व संकलन लक्ष्य अनुसार पुरा गर्न अनुगमन तथा नियमन आवश्यक देखिन्छ ।
गाउँपालिकाले आर्थिक वर्ष २०८१/०८२ का लागि १ करोड ३२ लाख २० हजार रुपैया राजस्व संकलनको लक्ष्य लिएको छ ।
