अर्घाखाँची । गृह मन्त्रालयसँगको कार्यसम्पादन सम्झौता अनुसार जिल्ला प्रशासन कार्यालय अर्घाखाँची ४२ औँ स्थानमा परेको छ ।
गृह मन्त्रालय र जिल्ला प्रशासन कार्यालयबीच भएको कार्यसम्पादन सम्झौता बमोजिम ४२ औँ स्थानमा परेको हो । गृह मन्त्रालयका सचिव र प्रमुख जिल्ला अधिकारीबिच आर्थिक वर्ष २०८०/०८१ मा भएको कार्यसम्पादन सम्झौता मूल्याङ्कनमा अर्घाखाँचीले ९२.५६ अंक अंकसहित ४२ औँ स्थान हासिल गरेको हो ।
यस्तै ७७ जिल्लामा सबैभन्दा धेरै ९८ अंक प्राप्त गर्दै जिल्ला प्रशासन कार्यालय रुपन्देही देशकै उत्कृष्ट बनेको छ । गृह मन्त्रालय र जिल्ला प्रशासन कार्यालयबीच भएको कार्यसम्पादन सम्झौता बमोजिम उत्कृष्ट कार्य गरेकोले देशभरका ७७ जिल्लामा रुपन्देही प्रथम भएको हो । यस्तै ९७.७५ अंक ल्याई पाल्पा जिल्ला प्रशासन दोस्रो र ९७.६२५ अंक प्राप्त गरी बागलुङ तेस्रो भएका छन् ।
