अर्घाखाँची । पाणिनी गाउँपालिकाका प्रमुख प्रशासकीय अधिकृत रोमनाथ न्यौपानेले जनप्रतिनिधिले आवश्यक नीति निर्माण गर्ने र कर्मचारीले त्यसलाई कार्यान्वयन गर्नुपर्ने बताएका छन ।
पाणिनी गाउँपालिकाको स्वास्थ्य शाखाले आयोजना गरेको वार्षिक समीक्षा कार्यक्रमलाई सम्बोधन गर्दै अधिकृत न्यौपानेले यस्तो बताएका हुन । उनले स्वास्थ्य क्षेत्रलाई पहिलो प्राथमिकतामा राखेर काम गर्नुपर्ने सुझाव दिदैँ उनले भने, “ तपाई जनप्रतिनिधि ज्युहरुले सपनाअनुसार नीति निर्माया गर्नुस्, र त्यसको कार्यान्वयन गर्न हामी कर्मचारीहरू तयार छौँ ।” उनले स्वास्थ्य र शिक्षामा गरेको लगानी नाफा घाटाका लागि नभइ नागरिकको जीवन सुधारका लागि रहेको जिकिर गरे ।
न्यौपानेले पालिकालाई समृद्ध बनाउन भौतिक विकास मात्र नभई मानवीय विकासमा ध्यान दिन आवश्यक रहेको बताए । उनले शिक्षा र स्वास्थ्यको विकास बिना मानवीय विकास असम्भव रहेको तर्फ सचेत समेत गराए । उनले आफ्नो स्वास्थ्यको ख्याल आफै राख्नुपर्ने भन्दै उनले भने, “सबैभन्दा पहिला त खानपानमा ध्यान दिऊँ, योग ध्यान गरौँ, हुँदै नभए औषधि उपचार त छँदैछ ।”
उनले कुराभन्दा काम बढि गर्नुपर्नेमा जोड समेत दिए ।
