अर्घाखाँची । सातौ स्थापना दिवसको अवसरमा सशस्त्र प्रहरी बल ३६ नम्बर गुल्म अर्घाखाँचीले भव्य समारोहका बीच बार्षिक उत्सव मनाएको छ ।
सशस्त्र प्रहरी नायव महानिरीक्षक प्रदिप कुमार पालले विशेष कार्यक्रमको उद्घाटनगदै सशस्त्र प्रहरीले शान्ति सुरक्षा, आफ्नो क्षेत्रमा अब्बलताका साथ काम गरिहेको र अझ उत्साह, र दृढताका साथ काम गर्ने बताए ।
कार्यक्रममा जिल्ला समन्वय प्रमुख जिबनारायण कोईराला, सन्धिखर्क नगरपालिकाका नगर प्रमुख कृष्ण प्रसाद श्रेष्ठ, शितगंगाका नगरप्रमुख छविलाल पौडेल, छत्रदेव गाउँपालिकाका अध्यक्ष चन्द्रमान श्रेष्ठ, सहायक प्रमुख जिल्ला अधिकारी मेघनाथ पाध्या, कार्यालय प्रमुखहरु, साथै विभिन्न संघ सस्थाको प्रमुखहरुको उपस्थिति रहेको थियो ।
कार्यक्रममा दिबशको अबसरमा विभिन्न महत्त्वपूर्ण कार्यक्रमहरु समेत गरिएको गुल्मपति भिमसेन बोहोराले बताए । स्थापना दिवसको बिभिन्न बिदामा सम्मान समेत गरेको छ । यस्तै भवन अभावका कारण अर्घाखाँचीको सन्धिखर्क नगरपालिका वडा नम्बर १ मा रहेको सन्धिखर्क सव डिभिजन वन कार्यालयमा बस्तै आएको सशस्त्र प्रहरी बल ३६ नम्बर गुल्म अर्घाखाँचीले आफ्नै भवन बनाउनको लागि जग्गा खरिद गरेको छ ।
जिल्ला विपत् प्रतिकार्यदेखि शान्ति सुरक्षाका अधिकांश कार्यमा सशस्त्र प्रहरी सक्रिय रूपमा खटिँदै आए पनि आफ्नो भवन नहुँदा दैनिक कार्यसम्पादनमा समस्या हुँदै आएको थियो ।अब भवन बनेपछि कार्यसम्पादनमा सहज हुने सशस्त्र प्रहरी बल ३६ नम्बर गुल्म अर्घाखाँचीका गुल्मपती भिमसेन बोहोराले सातौ स्थापना दिवसको अवसरमा यस्तो बताएका छन् ।
हाल सोहि क्षेत्रमा १सय ६० जना सशस्त्र प्रहरी रहेका छन । २०७५ सालमा गुल्म सोहि क्षेत्रमा आएको थियो । जग्गा खरिद सन्धिखर्क नगरपालिका वडा नम्बर १को तुम्कोटमा २० रोपनी गरिएको बताए । आफ्नो भवन नभएका कारण गुल्मले सशस्त्र प्रहरीका लागि सञ्चालन गर्ने आन्तरिक तालिमदेखि अन्य पीट परेडसम्म गर्न समस्या हुँदै आएको थियो ।
