अर्घाखाँची । अर्घाखाँचीको शितगंगा नगरपालिका हिलेखोलामा जीप दुर्घटना हुँदा एक जनाको मृत्यु भएको छ भने ९ जना घाइते भएका छन्।
छत्रदेव गाउँपालिकाबाट बुटवल तर्फ जाँदै गरेको लु १ ज ४७६३ नम्बरको डबल क्याप जीप बुधबार शितगंगा नगरपालिका-१२ हिलेखोलामा दुर्घटना भएको थियो । दुर्घटनामा छ्त्रदेव गाउँपालिका- ५ टुनिचौर का ६५ वर्षीय रामप्रसाद पन्थीको मृत्यु भएको जिल्ला प्रहरी कार्यालय अर्घाखाँचीका प्रमुख डीएसपी प्रतीत सिंह राठौरले जानकारी दिनुभयो ।
राठौरका अनुसार घाइतेमध्ये तीन जनालाई थप उपचारको लागि बुटवल रिफर गरिएको प्रहरीले जनाएको छ । यस्तै ६ जना घाइतेको प्राथमिक स्वास्थ्य केन्द्र ठाडामा उपचार भइरहेको छ ।
