अर्घाखाँची । झुमादेवी युवा क्लब पाणिनी ५ मैदानको आयोजनामा कार्तिक ३ गते हुने बृहत् सांस्कृतिक कार्यक्रम २०८१ को सम्पूर्ण तयारी पूरा भएको छ।
शुक्रबार दुर्गाफाटमा पत्रकार सम्मेलनको आयोजना गर्दै कार्यक्रमका लागि सबै तयारी पूरा भएको आयोजकले जानकारी दिएको छ । कार्यक्रममा चर्चित लोक तथा दोहोरी गायक अर्जुन सापकोटा, हास्यकलाकार पुर्खे बा र गायिका कोपिला न्यौपाने लगायतका राष्ट्रिय तथा स्थानीय कलाकारहरूको प्रस्तुति रहने आयोजकले जनाएको छ ।
कार्यक्रम श्रीकृष्ण माध्यमिक विद्यालयको प्राङ्गणमा हुनेछ । कार्यक्रममा स्थानीय दर्शकहरूको ठूलो सहभागिताको अपेक्षा गरिएको छ।
