अर्घाखाँची । अर्घाखाँचीका पाणिनि गाउपालिका वडा नम्बर ४ पटौटिमा आँखा तथा दात सम्बन्धी १ दिने निशुल्क स्वास्थ्य शिविर सम्पन्न भएको छ ।
पटौटि रुपन्देही सम्पर्क समाजको अयोजना तथा पाणिनि गाउपालिका वडा नं. ४ को व्यवस्थापनमा पटौटि स्वास्थ्य चौकीमा निशुल्क स्वास्थ्य शिविर सम्पन्न भएको हो । शनिबार गरिएको नि.शुल्क स्वास्थ्य शिविरबाट २ सय ८२ जनाले आँखा तथा दात सम्बन्धी सेवा लिएका छन् । शिविरमा आँखा तथा दाँत रोग विशेषज्ञहरूले विभिन्न समस्या र रोगहरूको परामर्श, चेकजाँच र उपचार सेवा प्रदान गरेका थिए। ग्रामीण क्षेत्रका नागरिकहरूको स्वास्थ्य पहुँच र सेवामा सहयोग पुर्याउने उदेश्यले स्वास्थ्य शिविर गरिएको आयोजक समाजका अध्यक्ष शिवलाल घिमिरेले बताए ।
स्वास्थ्य शिविर उद्घाटन कार्यक्रममा बोल्दै पाणिनि गाउपालिकाका अध्यक्ष टेकराज न्यौपानेले स्वास्थ्य शिविरको आयोजना गरेकोमा आयोजकलाई धन्यवाद दिदै सबै सम्पर्क समाजहरुको उदेश्य समाजसेवा भएको उल्लेख गरेका थिए । आउदा दिनहरुमा थप सामाजिक कार्यमा लाग्न अनुरोध गर्दै पाणिनिलाई समृद्ध बनाउन सबैको साथ र सहयोगको अपेक्षा गरेको बताएका थिए ।
आँखा तथा दाँत रोग विशेषज्ञहरूद्वारा समस्या र रोगहरूको परामर्श, चेकजाँच र उपचार सेवा पाउदा स्थानीय हर्षित भएका थिए । सेवाग्राहीलाई निःशुल्क औषधि समेत वितरण गरिएको थियो। शिविरले स्थानीय जनतामा स्वास्थ्यप्रति सजगता जागृत गराउन र उपचार सेवा उपलब्ध गराउन महत्वपूर्ण भूमिका खेलेको विश्वास गरिएको छ । कार्यक्रम सम्पर्क समाजका महासचिव प्रकाश गैरैको संचालनमा सम्पन्न भएको थियो ।
