अर्घाखाँची । जिल्ला प्रहरी कार्यालय अर्घाखाँचीले आफ्नो ६७ औं प्रहरी दिवस विभिन्न कार्यक्रमको आयोजना गरि मनाएको छ ।
कार्यलयले आफ्नो प्रहरी युनिट भित्र विभिन्न खेलकुदका कार्यक्रम संचालन , परिबर्तनको आन्दोलनमा साहादत गर्नुहुने सहिद परिवारलाई संमान, पुर्ब प्रहरी संमान, उत्कृष्ट कार्य सम्पादन गरेका प्रहरी अधिकृत तथा जबानलाई संमान तथा पुरस्कार बितरण, दैबीप्रकोप तथा बिपदको बेला रातदिन खटेका प्रहरी अधिकृत जबान सम्मान तथा प्रहरी चौकीलाई जग्गा उपलब्ध गराउने जग्गा दातालाई सम्मान गरेर प्रहरी दिवस मनाएको छ ।
जिल्ला समन्वय समितिका प्रमुख जिबनारायण कोइरालाको प्रमुख आतिथ्यता रहेको कार्यक्रममा सन्धिखर्क नगरपालिकाका नगरप्रमुख कृष्ण प्रसाद श्रेष्ठ, उपप्रमुख मिश्रा आचार्य, जिल्ला स्थित शुरक्षा निकायका प्रमुख, जिल्ला स्थित सरकारी कार्यालयका प्रमुख तथा प्रतिनिधि विभिन्न संघ संस्थाका प्रमुख तथा प्रतिनिधिहरुको उपस्थित रहेको थियो ।
कार्यक्रम प्रमुख जिल्ला अधिकारी शशिधर घिमिरेकि अध्यक्षता, निमित्त प्रहरी नायब उपरीक्षक कृष्ण प्रसाद घिमिरेको स्वागत मन्तव्य तथा प्रहरी निरीक्षक अर्जुन पौडेलको संचालनमा सम्पन्न भएको थियो ।
