अर्घाखाँची । अर्घाखाँची जिल्लाको पाणिनी गाउँपालिका वडा न. ७, अड्गुरीले साविकका प्रत्येक वडामै पुगेर सामाजिक सुरक्षा भत्ता वितरण गर्न थालेको छ ।
पछिल्लो समय नगद वितरण गर्दा पारदर्सिता नहुने ठानेर स्थानिय तहहरुले बैकिङ प्रणाली मार्फत राज्यले उपलब्ध गराउदै आएको सामाजिक सुरक्षा भत्ता बितरण गर्दै आएका थिए तर यो प्रणली बृद्धहरुलाई भने समस्या बनेको थियो । बृद्ध तथा अशक्तहरु धेरै समय खर्चेर सम्बन्धीत बैङकमा जानु पर्ने, लामो समय कुर्नु पर्ने, टाढा टाढाबाट धाउनुपर्ने समस्याको समाधान गर्न वडा कार्यालयले बैंकसँग सहकार्य गरि वडा मै सामाजिक सुरक्षा भत्ता वितरण गर्न थालेको वडा अध्यक्ष गुनाखर अधिकारीले जानकारी दिए ।
वडा कार्यालयको यो कार्यले जेष्ठनागरिकहरु हर्षित भएका छन् ।
