पदम पाण्डेका ५ मुक्तक

धोका ,बिछोडको परिभाषा रट्न नपरोस् ।
दिलको संघारबाट बाहिर कट्न नपरोस् ।
दुनियाँले नअंगालोस केही छैन वास्ता
तिम्रो अंगालोबाट कहिल्यै हट्न नपरोस् ।

महत्त्व बढेर मान , सम्मान एकको ठाउँमा छ
दुनियाँ संगको चिनजान एकको ठाउँमा छ
जस्को जिन्दगीमा म दशमलव पछि रहेछु
मेरो जीवनमा उसैको स्थान एकको ठाउँमा छ

गुनासो सङ्कलन यत्ती धेरै हुन्छ
मुस्कानलाई बन्धन यत्ती धेरै हुन्छ
आँसुमा डुबाइदिन्छ पुरै जिन्दगी
यी यादहरुको वजन यत्ति धेरै हुन्छ

उनिउ भएर गुलाफ झैँ फुल्न खोज्दैछस्
आफै दुखका धेरै टुक्रा बटुल्न खोज्दैछस्
ए मन१ हिजो कसलाई सम्झिएको थिइस
आज तँ आफ्नै हैसियत भुल्न खोज्दैछस्

मन्दिर जानू पत्थर भाक्नु मेरै गल्ती हो
जुनि भरको साथ माग्नु मेरै गल्ती हो
सोचे जस्तो हुन्न जीवन भन्ने जान्दा पनि
तिमीलाई पाउने सोच राख्नु मेरै गल्ती हो।