अर्घाखाँची । नेपाल शिक्षक संघ,अर्घाखाँचीको नवौं जिल्ला अधिवेशन भोलि फाल्गुण १३ गते शनिबार हुँदैछ। नयाँ नेतृत्व चयनका लागि अर्घाखाँचीको जिल्ला सदरमुकाम सन्धिखर्कमा उक्त अधिवेशन हुन लागेको हो।
“हाम्रो गौरव,हाम्रो सान सफल पारौं नेपाल शिक्षक संघको ऐतिहासिक नवौं जिल्ला अधिबेशन” भन्ने मूल नाराकासाथ आयोजना हुने उक्त अधिवेशनले नयाँ नेतृत्व चयन गर्ने शिक्षक संघ अर्घाखाँचीले जनाएको छ। नयाँ नेतृत्वका लागि करिब आधा दर्जनजसो आकाङ्क्षीहरु जुटिरहेको शिक्षक नेताहरु बताउँछन्।
नेपाली लोकतन्त्रवादी शि़क्षकहरुको प्रयत्नमा २०४७ वैशाख २७-३० सम्म काठमाडौंमा नेपाली शिक्षकहरूको वृहत बैठकबाट नेपाल शिक्षक संघको स्थापना भएको थियो।
