अर्घाखाँची । अर्घाखाँचीका प्रमुख जिल्ला अधिकारी मिना अर्याल राष्ट्रपतीबाट विभुषित् भएकी छिन् । राष्ट्रपति रामचन्द्र पौडेलले राष्ट्रको गौरव बढाउन अतुलनीय योगदान गर्नेलाई विभुषित् गरेका हुन् ।
प्रमुख जिल्ला अधिकारी अर्याल प्रवल जनसेवाश्री मानपदवीबाट बिभुषित् भएकी हुन् । यस्तै जिल्ला प्रशासन कार्यालय अर्घाखाँचीका प्रशासकिय अधिकृत नुमलाल पन्थी प्रबल जनसेवाश्री पुरस्कारबाट सम्मानीत भएका छन् । पूर्वप्रधानमन्त्री स्व. सुशील कोइरालासहित समाजका विभिन्न क्षेत्रका सात सय २८ व्यक्तित्वलाई राष्ट्रपतीले विभिन्न मानपदवी प्रदान गरेका छन्।
राष्ट्रपति कार्यालय शीतल निवासमा आज आयोजित विशेष समारोहमा मानपदवी प्रदान गरिएको हो । नेपालको संविधानको धारा २७७ को उपधारा १ मा राष्ट्रपतिले राज्यका तर्फबाट प्रदान गरिने उपाधि, सम्मान र विभूषण प्रदान गर्ने उल्लेख छ।
