रोल्पाका चार स्थानीय तहले प्रहरी भर्ना गरेका छन । रोल्पा नगरपालिकाले १० नगर प्रहरी भर्ना गरेको छ । नगर प्रहरीमा एक प्रहरी हवल्दार रहेका छन भने नौ प्रहरी जवान छन् । ट्राफिक व्यवस्थापन, वजार अनुगमन,लगायतका काममा नगरप्रहरी परिचालन हुने गर्दछन् ।
रुन्टीगढीले एक महिलासहित नौ नगर प्रहरी भर्ना गरेको छ । उसले एक जना प्रमुख नगर प्रहरी र आठ नगर प्रहरी पद सिर्जना गरी भर्ना गरेको हो । नगर प्रहरी सुरक्षा र विकास गतिविधिमा परिचालन हँुदै आएको छ ।
त्यसैगरी सुनिलस्मृतिले नगर प्रहरी भर्ना गरेको छ । पाँच नगर प्रहरी भर्ना गरेको सुनिलस्मृति गाउँपािलकाका अध्यक्ष मणिराम बुढाथोकीले जानकारी दिनुभयो । ट्राफिक व्यवस्थापन, बजार अनुगमन, शान्ति सुरक्षालाई चुस्त राख्नकालागी नगर प्रहरी परिचालित गरिएको छ ।
माडी गाँउपालीकाले गाउँ प्रहरीको नाम दिएर आफ्नै प्रहरी भर्ना गरेको छ । दुई महिलासहित सात गाउँ प्रहरी भर्ना गरेको हो । गाउँ प्रहरीमा एक प्रहरी सहायक निरीक्षक र छ प्रहरी जवान कार्यरत छन् ।
स्थानीय तहहरुले भर्ना गरेको प्रहरीको खर्च व्यवस्थापन आन्तरिक स्रोतबाट हँुदै आएको छ । रोल्पामा एक नगरपालिकासहित दश स्थानीय तह रहेका भएपनी अन्य पालीकाले भने नगर प्रहरी भर्ना कार्यको थालनी अझै गर्न सकेका छैनन् ।
रोल्पा नगरपालिका जिल्ला सदरमुकाम हो भने सुनिलस्मृति, रुन्टीगढी र माडी गाउँपालिका ग्रामिण स्तरमा रहेका नगरोन्मुख गाउँपालिका हुन ।
