नेपाली राजनीतिका तरङ्गहरु पछिल्लो समयमा फरक ढंगले आइरहेका छन् । राजनैतिक दलहरुप्रतिको वितृष्णालाई मलजल गर्ने सन्दर्भमा ती निकै सशक्त बन्दै गइरहेको चर्चा पनि जनमानसमा व्याप्त छ।
नेपाली राजनीतिको इतिहास हेर्दै जादा २००७ सालको राजनैतिक परिवर्तनलाई महत्त्वपूर्ण ढंगले हेरिन्छ। त्यसपछिका विकसित राजनैतिक घटनाक्रमहरु र तिनीहरुले नेपाली जनजीवनमा पारेका प्रभावहरु के साच्चै जनताको पक्षमा छन् त भन्ने विषयमा पनि अध्ययन, विश्लेषण हुने गरेको पाइन्छ । राष्ट्रिय राजनीतिदेखि स्थानीय राजनीतिसम्मका गतिविधिहरुलाई पछिल्लो पुस्ताका विश्लेषकहरुले कुनै न कुनै रुपमा संकेत नगरेका भने होइनन् तर त्यस्ता विश्लेषणहरुलाइ राजनैनिक दलहरुले नजरअन्दाज गर्दै जानुले नेपाली राजनीति धुमिल बन्दै गएको सत्य जगजाहेर नै छ । राजनैतिक दलहरुमा इमानदारिता, अनुशासन, कर्तव्यबोधजस्ता प्रवृतिहरु हराएर भस्मासुर प्रवृतिले पछ्याएको त होइनरु के साच्चै स्वभाव परिवर्तन गर्दै आफुलाइ परिष्कृत गर्न नसकिने हो तरु यस्ता प्रश्नहरुको सैद्धान्तिक मात्रै होइन व्यावहारिक जवाफको पर्खाइमा आम नेपाली जनताहरु रहेका छन् ।
धुमिल बन्दै गएको राजनैतिक मुहानलाई सफा गर्न सकियोभने मात्रै आम जनतामा आशाका सुनौला र सकारात्मक किरणहरु छरिन सक्छन् अन्यथा नेपालका राजनैतिक दलहरुप्रतिको अविश्वासले सिमा नाघ्ने निश्चित देखिन्छ।
