भावना मगर,जेठ २५अर्घाखाँची ।
अर्घाखाँचीको सन्धिखर्कमा प्रजनन स्वास्थ्य अधिकार र सुरक्षित गर्भपतन सेवाको पैरवीको लागि संचारकर्मीसँगको अभिमुखीकरण तथा अन्तरर्किया कार्यक्रम आज सम्पन्न भएको छ ।
समाजसेवा तथा वातावरण संस्कृत संरक्षण समुह अर्घाखाँचीको आयोजना र आइपासको सहयोगमा संचारकर्मीसंगको अभिमुखीकरण तथा अन्तरर्किया कार्यक्रम भएको हो । कार्यक्रममा नेपाल पत्रकार महासंघ अर्घाखाँचीका अध्यक्ष अशोक खनाल,लगायत सन्चारकर्मीहरुको उपस्थित रहेको थियो ।
कार्यक्रममा संस्थाको निति तथा शासन विज्ञ माधबी बज्राचार्यले सुरक्षित गर्भपतन सम्बन्धि कानुनमा भएको व्यवस्था ,महिलाहरुको स्वास्थ्य अधिकार, गर्भपतन गराउन नहुने अवस्था ,सुरक्षित गर्भपतन गराउन पाउने सुचिकृत स्वास्थ्य संस्थाहरु, स्थानीय तहबाट हुने सहयोग ,कानुन तथा नीति कार्यान्वयन तथा समाचार लेखाइको महत्त्वपूर्ण भुमिका लगायतका बिषयमा प्रशिक्षण दिएकी थिइन् ।
कार्यक्रम समुहकी अध्यक्ष लक्ष्मी अधिकारी पौडेलको अध्यक्षता ,संस्थाका कार्यक्रम अधिकृत आदर्श अधिकारीको स्वागत मन्तब्य र बाबुराम पौडेलको सञ्चालनमा सम्पन्न भएको थियो ।
