बुटवल । बुटवल जेसीजले आफ्नो ५० औं स्थापना दिवस स्वर्णजयन्तीको अवसरमा बुटवल जेसीज द्रोण सभाहलमा आयोजित साप्ताहिक कार्यक्रम अन्तरगत रक्तदान कार्यक्रम सम्पन्न गरेको छ ।
कार्यक्रम संयोजक एवं बुटवल जेसीजका उपाध्यक्ष यदुमणी पोखरेलले दिएको जानकारी अनुसार उक्त रक्तदान कार्यक्रममा करिव ३१ जनाले रक्तदान गरेका थिए ।
कार्यक्रममा बुटवल जेसीजका अध्यक्ष हरि बिक्रम कुवर, पुर्व अध्यक्षर स्वर्ण जयन्तीका मुल संयोजक मनोज भट्टराई, कार्यकारिणी उपाध्यक्ष एवं साप्ताहिक कार्यक्रमका मुल संयोजक अर्जुन ज्ञवाली, कार्यकारिणी उपाध्यक्ष मोहन न्यौपाने, महासचिव चन्द्रकान्त डुम्रे, जेसीज पदाधिकारी एवं सदस्य, रक्तदाताहरुको उल्लेखनीय उपस्तिथि थियो ।
कार्यक्रममा रक्तदान गर्नुहुने रक्तदातालाइ प्रमाणपत्र प्रदान गरिएको थियो ।
