काठमाडौं । बुटवल उद्योग वाणिज्य संघमा हरिप्रसाद अर्याल निर्वाचित भएका छन्।
सोमबार भएको मतदानमा प्रत्यासी दिनेशप्रसाद श्रेष्ठलाई ८७ मत अन्तरले पराजित गर्दै अर्याल निर्वाचित भएका हुन्। बुटवल उद्योग वाणिज्य संघ रुपन्देहीको वरिष्ठ उपाध्यक्ष पदमा टंकप्रसाद गैरे र वाणिज्य उपाध्यक्ष पदमा विमलराज भट्टराई निर्विरोध निर्वाचित भएका छन्। निर्वाचनमा दुई प्यानल चुनावी मैदानमा थिए। त्यसमा अर्याल प्यानल विजयी भएको छ।
उपाध्यक्षमा सुरज भट्टराई विजयी भए। महासचिवमा मुक्ति अधिकारी विजयी भए। कोषाध्यक्षमा वसन्तप्रसाद ढकाल विजयी भए। सचिवमा भेषराज गैरे र सहकोषाध्यक्ष धनकुमारी खनाल निर्वाचित भएकी छन्। संघमा कुल एक हजार ७ सय ७८ जना उद्योगी व्यवसायी मतदाता छन्।
