काठमाडौं । आजदेखि राष्ट्रिय स्वतन्त्र पार्टी (रास्वपा)ले घरदैलो कार्यक्रम गर्ने भएको छ ।
निर्वाचन भएको एक वर्ष पुगेको अवसरमा अर्घाखाँचीमा पनि रास्वपाले घरदैलो अभियानकाे सुरू गरेकाे छ । आज जिल्ला सदरमुकाम सन्धिखर्कबाट मौलिपोखरा, मथुरा, बल्कोट, केरुंगा, छत्रदेव, डाँडाकटेरी, मालारानीमा घरदैलाे गर्ने कार्यक्रम रहेकाे रास्वपा अर्घाखाँचीकाे संयाेजक हरी प्रसाद भुसालले जानकारी दिए ।
“स्थानीयहरुसंग छलफल तथा अन्तरक्रिया गर्दै अगाडी बढ्नेछौं ।” भुसालले भने, “हामीले गरेका कमजोरी, गर्नुपर्ने काम र त्यस क्षेत्रका मुख्य समस्या सुन्ने छौं । अनि त्यो विवरण केन्द्रमा पठाउने छौं ।”
प्रत्यक्ष निर्वाचनतर्फका उम्मेदवार आफ्नो निर्वाचन क्षेत्रमा घरदैलो गर्नेछन् । समानुपातिक तर्फका आफ्नो जिल्ला केन्द्रित भएर कार्यक्रम तय गर्नेछन् ।
याे अभियान मंसीर २ देखी ४ गतेसम्म संचालन हुने संयाेजक भुसालले जानकारी दिए ।
