बुटवल । सडक दुर्घटनामा परी बुटवलमा दुई जनाको घटनास्थलमै मृत्यु भएको छ।
सोमबार तिलोत्तमाको ड्राइभर टोलमा ट्रकले ठक्कर दिँदा मोटरसाइकलमा सवार तिलोत्तमा नगरपालिकास्थित शंकरनगरका माधव देवकोटा र सोही ठाउँकी ४० वर्षीय यादा क्षेत्रीको मृत्यु भएको प्रहरीले जनाएको छ।
पछाडिबाट आएको ना ६ ख ८१६१ नम्बरको ट्रकले लु ४९ प २२३० नम्बरको मोटरसाइकललाई ठक्कर दिएको स्थानीयबासीले बताए । मृत्यु भएका दुवै जना तिलोत्तमा उद्योग वाणिज्य संघलले मणिग्राममा आयोजना गरेको महोत्सव हेर्नका लागि जाँदै थिए।
मृतक देवकोटा तिलोत्तमा सहकारीका अध्यक्ष समेत हुन्।
