काठमाडौं । नेपाली कांग्रेसको महासमिति बैठक चौथो पटक सरेको छ।
शुक्रवार बसेको केन्द्रीय कार्यसम्पादन समितिको बैठकले चौथो पटक महासमिति बैठक सारेको हो। महासमिति बैठक फागुन ७ देखि १० गतेलाई सारिएको छ।
यसअघि कांग्रेसले पुस १६ देखि १९ गतेका लागि महासमिति बैठक बोलाएको थियो तर सभापति शेरबहादुर देउवाले पुसमा जाडो धेरै हुने र माघमा हुने राष्ट्रियसभाको निर्वाचनलाई देखाउँदै महासमिति बैठक सार्न गरेको प्रस्ताव पारित भएसँगै चौथो पटक बैठक सरेको छ।
महासमिति बैठकअघि पुस १२ गतेदेखि कांग्रेसको केन्द्रीय समिति बैठक पनि बोलाइएको छ। शुक्रवारको बैठकले राष्ट्रियसभा चुनावका लागि निर्वाचन आयोगमा दल दर्ता गराउने र उम्मेदवारलाई दिने पत्रमा सभापति शेरबहादुर देउवाले हस्ताक्षर गर्ने निर्णय पनि बैठकले गरेको छ।
